Bloavezh ar glav e oa ar Sant-Loup 2007, ur bloavezh fall war-fed an arc’hant hag a vo gwelloc’h ganeomp ankouaat buan. Ar bloaz-mañ c’hoazh e talc’h skipailh Festival Sant Loup da vrudañ Gwengamp, an trowardroioù ha Breizh a-bezh ive dre Festival Dañsoù Breizh.

    2500 a Sonerien, Dañserien, Arzourien deus ar broioù keltiek an hini ac’h a d’ober hon Festival. An taol-mañ adarre e faota deomp, da gentañ-penn, reiñ deoc’h da welet arvestoù nevez-krouet tro-dro d’an dañs : kelc’hioù KEMPERLE ha PONT-’N-ABAD, asambles gant Bagad CAP CAVAL, a ziskouezo deomp o abadennoù EKLATAN hag IJIN…
 

    Bretoned all a vo ive : GWENNYN, SOLDAT LOUIS, LES GORISTES, SCONE, ar strollajoù rock PAT O’MAY ha BLANKASS.
Ne vo ket dileusket Iwerzhon evit afer-se peogwir eo pedet ar ganerez brudet-kaer Mary BLACK, ar strollad THE RAPPAREES deut deus an Norzh… hag ar re a blij an dañsoù gant stlakerezed dezhe a vo bamet dirak AVALON CELTIC DANCE.
Anez ankouaat Galisia gant LEILIA, ur strollad 5 kanerez ennañ.

    Evel-just eo an dañsoù, na pa vefent mod hengounel pe nevesaet, an hini ac’h a d’ober kalon hon Festival bepred, ha n’eo ket e 2008 c’hoazh e vefomp disouezhet o welet an eizh kelc’h keltiek bet dibabet evit lodenn diwezhañ ar c’honkour.

    Deut omp da vezañ unan deus festivalioù pennañ an hañv, ar pezh a zegas joa d’hon c’halon.

    Festival mat a hetan deoc’h. Mechañs e vefet plijet oc’h ober anaoudegezh gant ur Gêr, gant ur Vro lec’h zo lañs gant ar Sevenadur.
 

J.P. ELLIEN
Prezidant Gouel Saut-Loup